ရာသီဥတု ပြောင်းလဲခြင်းဖြစ်စဉ်တွင် အချိန်ကာလကို ပြောရာ၌ လ၊ နှစ်စသည့် ကာလတိုများကို ရည်ညွှန်းခြင်းနည်းပါးပြီး ဆယ်စုနှစ်၊ ရာစုနှစ်စသည့် ရှည်လျား ကြာမြင့်သော အချိန်အတိုင်းအတာကို အများအားဖြင့် တွေ့ခဲ့ကြရမည် ဖြစ်သည်။ ထိုသို့ ရာသီဥတုပြောင်းလဲခြင်းနှင့် ရှည်မြင့်သောကာလများ ဆက်နွယ်နေခြင်းတွင် ကောင်းသည်လည်းရှိ၍ ဆိုးသည်လည်း ရှိသည်။
ပြောင်းလဲခြင်းဖြစ်စဉ်သည် နှစ်ပေါင်းများစွာ ကြာသဖြင့် ပြောင်းလဲနေသည်ကို သတိပြုမိပါက မဖြစ်သင့်သည်များ မဖြစ်စေရန် ပြုပြင်ယူဖို့အချိန်ရသည်။ ပြောင်းလဲနေသည်ကို သတိမပြုမိခဲ့လျှင်မူ ပေါ်လာသည့် ဆိုးကျိုးများကို ကြိုတင်ကာကွယ်ဖို့ နောက်ကျလွန်းသည့်အဖြစ်နှင့် ရင်ဆိုင်ရနိုင်သည်။ ကြာမြင့်စွာ အချိန်ယူပြီးမှ အားကောင်းမောင်းသန် ပေါ်ထွက်လာသည့် အကျိုးဆက်များကို တော်ရုံနှင့် လျော့ပါးချေဖျက်ရန် မလွယ်လှချေ။
ကမ္ဘာ့ရာသီဥတုပြောင်းလဲခြင်းကိစ္စတွင် လူသားတို့သည် အချိန်မီ သိရှိနိုင်လောက်အောင် အလေးမူ ဂရုပြုမှု မရှိခဲ့ကြသည့်အတွက် ရေကြီးခြင်း၊ မိုးခေါင်ခြင်း၊ ရေခဲပြင် အရည်ပျော်ခြင်း၊ ပင်လယ်ရေပြင်မြင့်တက်ခြင်းစသည့် ဆိုးကျိုးများ မဖြစ်စေရန် ကာကွယ်ခြင်းမပြုနိုင်တော့သည်ကို ထိတ်လန့်စဖွယ် သိရှိကြရပြီ။ ကပ်ဘေးဆိုးကြီးများအသွင်ဖြင့်ပင် ရောက်လာနိုင်သည်။
ရာသီပြောင်းလဲခြင်း၏ ဆိုးကျိုးများ ဆယ်စုနှစ်ပေါင်းများစွာကြာမှ ပေါ်လာခြင်းသည် မျိုးဆက်တစ်ခုနှင့်တစ်ခုအကြား ပြဿနာဖြစ်စေနိုင်သည့် အခြေအနေတစ်ရပ်ကိုလည်း မွေးဖွားပေးလိုက်သည်။ လွန်လေခဲ့ပြီးသော မျိုးဆက်များသည် ရုပ်ကြွင်းလောင်စာဖြင့် လည်ပတ်သော စက်ကိရိယာများ၏ ကျေးဇူးကြောင့် တစ်ချိန်ထက် တစ်ချိန် ပို၍ ပို၍ အဆင့်မြင့်စွာနေထိုင်ရခြင်း စသောကောင်းကျိုးများကို “စံစား”ခဲ့ကြသည်။ သို့သော် ရုပ်ကြွင်းလောင်စာမှ ထွက်သည့် မှန်လုံအိမ်ဓာတ်ငွေ့များကြောင့် ပေါ်ပေါက်သော ရာသီပြောင်းလဲ မှု၏ ဆိုးကျိုးများကိုမူ “မခံစား”ခဲ့ကြရဘဲ သေလွန်သွားခဲ့ကြပြီ။ လက်ရှိ မျိုးဆက်များသည် ကောင်းကျိုးအများအပြားကို စံစားနေကြရသကဲ့သို့ ဆိုးကျိုးများကိုလည်း စတင် ခံစားနေကြရပြီ။ နောင်လာမည့် မျိုးဆက်များမှာမူ မိမိတို့ကြောင့် ပေါ်ထွန်းလာခြင်း မဟုတ်သည့် ရာသီပြောင်းမှု၏ ဆိုးကျိုးကို ယခင်မျိုးဆက်များထက် ပို၍ ခံကြရတော့မည်။
လွန်လေပြီးသောမျိုးဆက်တို့မှာ သက်ရှိထင်ရှား မရှိတော့၍ မည်သို့မျှ မတတ်နိုင်တော့သော်လည်း လက်ရှိမျိုးဆက်များသည်မူ မိမိတို့ ကိုယ်တိုင်နှင့် အနာဂတ်မျိုးဆက်တို့ ရာသီဥတုပြောင်းမှု၏ ဆိုးကျိုးများကို အလွန်အမင်း မခံကြရအောင် လုပ်ဆောင်နိုင်ကြသေးသည်။
ရုပ်ကြွင်းလောင်စာ အကုန်များသည့် နေထိုင်သွားလာမှုစသည် တို့ကို ချွေတာခြင်းဖြင့် မိမိတို့၏ “အဆင့်မြင့်” လူနေမှုပုံစံကို လျှော့ချ စွန့်လွှတ်ရမည်။
သုံးစွဲနေကျလည်း ဖြစ်သော၊ အလွယ်တကူလည်း ရနိုင်သော ရုပ်ကြွင်းလောင်စာများကို တတ်နိုင်သမျှ စွန့်လွှတ်ကာ နေစွမ်းအင်၊ လေစွမ်း အင်စသည့် အစားထိုးလောင်စာတို့ကို သုံးစွဲဖို့ ဦးတည်ကြရမည်။ ယင်းစွမ်းအင်တို့သည် ယခုအချိန်တွင် ကုန်ကျစရိတ် ကြီးမြင့်နေသေးသော်လည်း မဝေးလှသော အနာဂတ်တွင် လူတိုင်း လက်လှမ်းမီလာမည်မှာ သေချာနေသဖြင့် ယင်းစွမ်းအင်များကို သုံးရန် ပြင်ဆင်ထားကြရမည်။
မိမိတစ်ဦးချင်း၏ အကျိုးစီးပွား၊ မိမိနိုင်ငံ၏ အကျိုးစီးပွားကို အထိမခံနိုင်သည့်စိတ်ဓာတ်ကို ဤနေရာ၌ စွန့်လွှတ်ကာ ရုပ်ကြွင်းလောင်စာ လျှော့သုံးခြင်းသည် လူသားတစ်ရပ်လုံးနှင့် ကမ္ဘာကြီးတစ်ခုလုံး၏ ရေရှည်အကျိုးအတွက်ဟု မှန်ကန်စွာ သဘောထားကြရမည်။
အသိတရားဖြင့် ဆင်ခြင်၍ ကာဘွန်ခြေရာ ငယ်အောင် နေသွားခဲ့ပါလျှင် ရာသီပြောင်းမှု၏ ဆိုးကျိုးများကို ကပ်ဘေးအဆင့်အထိ မရောက်အောင် ရှောင်ကွင်းနိုင်ကြလိမ့်မည်။
ထိုသို့ ရှောင်ကွင်းနိုင်သဖြင့် နောင်ဆယ်စုနှစ်အနည်းငယ် ကြာသော အခါ အဘိုးအဘွားအရွယ် ရောက်နေမည်ဖြစ်သော လက်ရှိမျိုးဆက်တို့အား မြေးမြစ်တို့က ကျေးဇူးစကား ဆိုကာ “သားသားတို့လည်း အနာဂတ်ကမ္ဘာကြီး သာယာနေအောင်လုပ်ဖို့ အတုယူချင်လို့ ကပ်ဘေးတွေ မဖြစ်အောင် ဘိုးဘိုး ဘွားဘွားတို့ ဘယ်လိုလုပ်ခဲ့သလဲ ဟင်” ဟု မေးကြလိမ့်မည်။
ထိုသို့ မဟုတ်ဘဲ လက်ရှိမျိုးဆက်တို့ နေမြဲအတိုင်း ဆက်နေသွား ခဲ့ပါလျှင် အနာဂတ်တစ်ချိန်တွင် ကပ်ဘေးဆိုးကြီးများနှင့်ရင်ဆိုင်နေရသော မြေးမြစ်တို့က “ဒီလိုဖြစ်လာမယ်မှန်းသိလျက်နဲ့၊ ဒီလောက်ကြီး ဆိုးမနေအောင် လုပ်လို့ရနိုင်ခဲ့လျက်သားနဲ့ ဘိုးဘိုးဘွားဘွားတို့က ဘာဖြစ်လို့ မလုပ်ခဲ့တာလဲ ဟင်”ဟု မေးခွန်းထုတ်ကြလိမ့်မည်။
မည်သည့်မေးခွန်းမျိုး အမေးခံလိုသနည်း ဆိုသည်ကို ရွေးချယ်ရန် အခွင့်အလမ်း ယခုအချိန်အထိ ရှိနေပါသေးသည်။
|
|
|
|